【婚宴準備】廣州婚紗街遊記

上兩年去過廣州街，話說個次陪我哥哥去的，

今次亦都關哥哥事，因為他成親了，

要上廣州請親戚吃飯，而我亦都早一日，去逛一逛。

首先行左好百年商場先，樓高三層（希望冇記錯），

表妹稱婚紗街，那些較便宜，但款式不多，商場偷拍左幾件，

有些較特別的款式但於淘寶也見過，淘寶的價錢較貴，

現場的可以試身，我開頭唔敢試，啲人眼望望，

同埋舖入面有啲要除鞋，我著左cons呢=＿=，

但後尾表妹勁叫我試，唔試又買唔到，花多眼亂，

好彩我都好清晰知道自己想要下身網紗一塊一塊個啲咁，係婚紗街問左幾間～

係地舖睇中左，店主開價$600，我緊係唔買啦，後尾開$380，其實我都覺有點貴，

兌返港紙係$500呀，即係行開再睇下其他，

之後睇左d姊妹裙，大約$130左右一條，計返港紙$200，都平過觀塘工廠區$380個d～

反而款式仲多d添，未有各姊妹尺寸，所以冇買到，

路過婚禮用品店，買左兩包氣球，$12 一包100個。

之後再去到另一間店試左衫，原來最底都係$380，都係個句有點貴，

所以冇幫襯到，其實真係有點唔好意思，因為試完又唔買～

最後都係去返之前睇中個間～試左兩件，揀左依隻，

用黎影pre wedding，幾特別，仲講到$360添呀～滿心歡喜呢～

又送頭紗都ok~ 另一隻款都靚，但係就要係心口加返層紗，

我要買現貨呢，所以就唔等的，揀左依件喇～

以下既相係我偷影返黎的，表妹仲叫我唔咁狼，哈哈～

好靚的一間店，但budget有限

上圖依件，佢開價$1xxx，太多BlingBling，唔係好接受到，所以都冇還價

上圖左邊灰色羽毛，係婚紗街問過，最平$200人仔，但因為我小腿粗，所以唔想買短裙住～