夢想的求婚

估唔到第一篇BLOG，主題係咁，又岩喎～求婚都算係開始，

但我跳左步，早幾個月前已經定左big day日子

時光飛逝，仲有唔夠13個月就到BD啦

好多朋友都問：求婚未？　我亦都好老實講：未

可能求婚只係一個形式，代表就快結婚，俾親朋戚友有心理準備，

但老實講恨唔恨有？！我都恨恨地架，因為知道佢已經買左介指，

雖然多數驚喜都被我發現，所以驚喜都可以唔駛，浪漫得喇。

1) 去佢屋企一開房門，成屋都係氫氣球，之加幾句甜言蜜語，就咁冧晒

（道具：介指，花，氫氣，氣球）

2) 去旅行的話，一覺醒來發現手指上已帶上介指，係床上又加上甜品蜜語

（道具：介指，花，各樣佈置）

打依篇blog才先發現有點自閉，也許結婚係兩個人既事，

所以一班朋友面前被求婚，我會有點尷尬，唔夠放呢。

以上就係我成日幻想的求婚片段，分享過俾男人聽，

但佢反應係: 咁我即係冇得用依條橋啦!!

真係好好笑XD，我亦唔介意佢抄我橋 

唔知大家夢想的求婚過程係點既呢，我想簡單浪漫就夠了。

PS. 希望願望實現~!