要發功了~再戰廣州婚紗街~

今個七月開turbo KO左數個item , 終於可以休息下, 寫下blog lu~

分享一下婚紗街之旅，六月去左佛山南海影視城影pre wedding，

所以廣州的去程車費免費，只要附回程&當晚酒店費用~

依趟要ko的目標是姊姊裙，不過…世事的東西真的很奇妙，

因為…….買多了幾樣東西XDDDD

首先是買姊姊裙，早半年前已經格價了，所以目標是$120人仔，

行左數間都是$130，綁帶再加多$10，度身訂造又加多$10，所以加加埋埋要$150~

好彩俾我搵到一間是$120, 綁帶&度身訂造講價後加了$15,

如要披肩加$15(因為我有毛毛披肩給姊妹，所以沒有加購)，

想揀11號色，但阿姐話咁深色，怕好老。最後顏色揀左4號色，

我揀８條同色而不同款，一款是單肩，一款是雙肩～

姊妹話身材豐滿最好就單肩，顯得冇咁勁，睇身材就分配到款式lu~

因為我表妹係廣州，所以佢可以幫我取貨，再寄給我。

而尺寸早早就問了各個姊妹了，即時可以給阿姐，

因為我BIG DAY日期是11月，所以8月先安排表妹去取裙，

總數是RMB$135 X 8條 X 1.2 + HKD$100估計運費 = HKD$1400(8姊妹條裙)

行行下，男人出聲話佢冇收獲唔高興，之後就買左套禮服，

度身訂造價RMB$1100 : 外套、馬甲、裇衫、西褲、TIE，

其實婚紗街有好多西裝舖有分碼數既西裝，價錢一套RMB500-800不等，

但因為我男人仔身形有點肥胖。。。。=.=”　所以一定要度身訂造～

如果你們男人係標準身形，咁就可以跟SIZE買都得~平好多囉…..

再之後就見到條紅色裙，OMG!!!!!!!!!!!!!!!!!!!!!!!!!

同我揀個條敬酒衫有80%相似度，立刻去問幾錢，

佢答RMB$260…!!!!甚麼料子，原來咁平，唔諗咁多就買左喇~

將件衫改造心型胸&將個蝴蝶結改大一點，咁就有95%相似喇!!

雖然我已經HOLD左敬酒衫，好彩仲有一次轉衫機會，

等我轉多套衫，當日用黎外影都好丫～

最後提一提大家，如果去開婚紗街，可以買定ｄ茶杯紙杯利是封等，

因為個老闆話價錢平過深圳筍崗，深圳筍崗都是問他們拿貨的~

HAHA~個老闆講到好真架~所以我都買左少少，唔好蝕丫嘛～

自家Free Pre Wedding 分享 (南生圍篇)

終於影第一輯PRE WEDDING喇~

由化妝, SET頭, 影相,執相都是全自家,

咩叫自家呢, 就係…

大部份道具都是自家製，有道具影相真係差好遠喔～

化妝方面：我早前同朋友一齊學新娘化妝,

今日的妝容髮型都是阿Gor幫手~

而影相方面：是朋友阿Yo(女攝影師)&男人仔齊齊影出來的~

因為他們亦都準備投身freelance攝影師,

正準備開FB FAN PAGE, 所以依家儲緊相喔~

是次PRE WEDDING由影相到執相都是朋友幫忙~感激萬分。

小提示:

現在夏天日落大約時間約七點,

如果大家只影一個境, 可以大約中午五點左右開始,

因為當時個太陽伯伯準備落山, 不太熱~

我們就是這個時間到南生圍的, 爽丫,

人不多, 平時中午到南生圍, 多人多車,

沒有見到其他新人影PRE WEDDING呢,

因為之前已經去過多次南生圍, 所以非常熟路~

大片草地&小樹林必影~

去相lu~~~

我的姊妹邀請卡~~!!

距離Big Day仲有唔夠半年時間，終於要郁~!!

首先介紹最近整了張卡給我親愛的姊妹們，

網上搵了勁多TEMPLATE，這個是我最滿意的，





以下就是我的PRINTER步驟，俾大家參考下，

用一開二的功能，SIZE 就剛剛好，

PRINY完一面後再PRINT內頁



之後去左商務買左白色的卡紙190GSM，

這個硬度都可以了，$23.8有45pcs，剩下來的可以給我印POPS

還有買了A6 信封$11 有20pcs。

較早前準備了STARBUCKS的禮券，JUST FOR BRIDESMAID~!!

全日要服侍我，巧辛苦的喔～!




而內頁既圖沒有提供的，

所以我將WILL U BE MY BRIDESMAID的圖除去，

留位給我寫情心的一句，

咁就做左簡單的一張WILL U BE MY BRIDESMAID CARD

試妝文

終於要分享我的試妝文，早於上年已經試妝了，
但不想太早公開喜訊，所以現在才發佈試妝文。
MUA這方面男朋友比我更緊張，早早便催促我要找MUA，
但我遲遲仍未揀好我唯一的MUA，唔想浪費試妝費呀，
試妝價錢約$500-800左右，好貴呢，這價錢可以換來2-3位姊妹妝，
而我們亦怕試完而唔confirm的尷尬感覺，
所以大家都覺得如果要試妝，就選比較有信心的MUA。
有不少同事介紹MUA，但睇相沒有那種”叮”一聲的感覺。

後來男朋友同事介紹左一位化妝師♥STAR SHUM♥
Send了數十張妝前妝後相給我，第一眼覺得好厲害，
男朋友不停講魔術手，叫我一定一定要去試，
其實我都停左一段時間先約試妝，因為我真的很懶，
不到最後不願試妝，首先就同♥STAR♥約時間，
Workshop係中環，對我這個沙田返工，住荃灣的，真的有點遠，
♥STAR♥個人好nice知道我住荃灣，提議去佢另一個地方試妝，
近好多呢，所以就揀左平日晚上去試妝了～

當日去到試妝，男朋友亦都有陪同哦，
♥STAR♥約試妝前已提我需要做足功課，找一些心儀的妝相&髮型相，
Whatsapp時已經覺得她幾nice，見到面言語間覺得佢仲好細心，
試妝時分享很多big day的經驗，還問我其他方面揀好未，當日流程各樣都可以向她查詢。
對！！我就是需要這些資訊，對於這個只做了一次姊妹的我，有很大的幫助。  

講返先，♥STAR♥是幫我用噴槍上粉底，平日我也會用粉底，
但噴槍粉底真是第一次，感覺貼服，光澤感比傳統粉底多，
面上亦有一點暗倉印，遮瑕度頗高，姻脂也是用噴槍的喔，
時間上亦都比用粉樸快，光澤＆時間短是吸引我的地方～

本身對眼是細細的(未有勇氣分享素顏相～～kaka!!)
所以有強調想要大眼睛，♥STAR♥很有心機幫我化對眼，
好快對Bling Bling眼就出左黎喇~勁開心，隻眼大好多呢，
眼妝是我confirm既一個因素。


到髮型方面，我額角比較高，
老實講，我真的想齊陰結婚，但係唔多造型嘛，
我知道，所以個好怕個額角外露～

♥STAR♥明白我既尷尬位，好細心好細心，幫我用ｄ頭髮遮住，
還有用花花頭飾，幫我遮了額角～


共試左兩妝兩頭，俾大家睇下我的試妝相

。。申利。。
純分享，因為真的覺得揀個岩心水既MUA，係非常放心的一件事。

DIY LUSH藍莓面膜大成功！

LUSH沙田店開幕喇~

早前係一田二樓有LUSH專櫃，依家終於沙田新城市廣場有分店，

當日去到見到有得自製藍莓MASK，有專人有授，當然同朋友試下DIY mask啦

首先放4-5粒藍莓，用匙巾係藍莓中間位置插入弄爛後，加入海藻及甘油攪拌，

因為所有材料都係新鮮，無防腐劑，所以甘油有助加長保存期，

再加上秘製精華油攪勻最後步就伙加入異極礦粉&滑石粉，


攪拌約三分鐘，會見到顏色有點似灰灰藍藍，

放入預設既盒就成功了！依個分量可以用一次呀，

等我慳少少，用夠兩次先～

 

完成了!!完成了~!!! 放在雪櫃內可保存三星期呀，好開心，第一次整面膜。



以下係店員整架，同我整完D顏色係有D分別既...

追求天然 - 澳洲Natio全效修護日霜

WOW..收到通知有得試用澳洲Natio全效修護日霜SPF15，

小女子年紀越大(唔係好大姐-.-“ 2字頭架都)

越想追求健康、天然產品，所以今次有幸試用NATIO，依個品牌以草本萃取物及精華油爲主要元素，純淨天然，又再講多次..天然真係好重要加上成份溫和，唔怕刺激皮膚。我係敏感皮膚，所以用成日轉護膚品，點解?!

因為要搵一隻岩自己用既護膚品真係好難..

繼續針對年齡依個問題，肌膚老化必然架喇，

斑都多左少少，一向化妝前都會用防曬，但覺得會否搽太多呢？

精華→日霜→防曬→BASE→粉底→碎粉

單單就諗已經有好幾款搽係執面度，如果日霜有防曬功效，咁都唔錯丫，一早起身慳左一個STEP，平時放假清清地，用Natio全效修護日霜SPF15再加粉餅/碎粉都唔錯~

NATIO這品牌是專為熟齡肌膚而設，成份有植物胜肽有令肌膚飽滿的功效，還有玻尿酸有保濕功效，比較特別就是有茴香的香味，醒膚及消除疲倦的功效，但我都只是試了兩天，暫時功效未太明顯。

而我收到的是Natio全效修護日霜SPF15，此可保濕 , 提升輪廓 , 抗氧化 , 抗皺還有防曬功效。

 































Natio全效修護日霜SPF15　($220 / 50g)
包裝簡單，唧咀設計易於控制份量

可能加左防曬成份，所以質地比較稠身，
輕按一下份量已經足夠。

再輕輕推開，一層薄膜覆蓋住皮膚，
加上一陣陣茴香味，聞到都幾醒神。

慢慢就感覺到皮膚吸收晒，仲有防曬既保護，
皮膚增加光澤，加上一層碎粉就已經夠lu~!!

＊是次產品由theZtyle.com提供

Gmarket

兩年前用過G-market，但運費真係有D貴，

停左冇買一排，最近迷上左innisfree mask & holika 眼線筆，

咁岩俾我睇到G-market innisfree mask有折$72有20塊，問都冇問同事，

即刻入左，到貨再大家平，平均一塊四蚊都唔駛呀，

見到innisfree支睫毛液價錢$40，所以買黎試試，下次先寫試用文。

買開就買埋D skincare喇，入左兩支IT’S SKIN精華，

用過一支VC覺得唔錯，

所以試下另一支皇牌YE，計返港紙$50一支左右

holika 眼線筆買左一支閃黑色&一支粉紅色，

粉紅色就用係眼頭OR下眼線位置，價錢約$40一支，

好可惜買漏左支啡色，要係香港補買返。

MUA

woo...上回快團mua化妝品，訂左兩星期左右到了，估佢唔到，咁快到，

但係好可惜有兩隻貨唔齊，同埋有盒眼影既黑色碎左..

一開個盒，見到咁多bubble 紙，覺得佢好安全啦，

最想買就係眼影啦，MUA這個眼影價錢£4 (大約HKD 52)。我肯定是買MUA！！點知，眼影既話，三盒用一個紙盒一齊放，再用bubble紙包住，
就係咁..有盒MUA Undress Me Too Palette碎左...！！！！！
當時我諗碎左唔緊要，我自己要左囉，點知最後朋友頂左..
但另外兩個都整到污漕左呢，仲要係幫人買..真係慘..

話說以下盒眼影訂左幾盒，一盒都冇黎到，

好開心，朋友仔上次買左，未用，

佢聽到我話白色個盒爛左，而另一盒又冇貨，

佢即刻話同我換左爛左個盒，識到佢真係好~!!

就係依盒喇，我真係鐘意佢多ｄ～

試左上手，幾出色，一盒搞掂晒，啡色系，
係最多人like，我建議大家用左eye base打底再用，會顯色D～

另一個推介就係盒唇彩喇，連化妝miss試用左都話唔錯，
我會溝色用，咁Ｄ顏色會靚Ｄ～依家有點後悔買少左囉..

Lip Trio Scarlet (唇彩讚~!)http://www.muastore.co.uk/lip-trio-scarlet

MUA Undress Me Too Palette (成日冇貨架，所以個次訂到，都好開心)http://www.muastore.co.uk/index.php/undress-me-too-palette